Këshilli i Sigurisë në OKB, Guterres: Nuk mund t’i braktisim afganët, pranoni refugjatët

Këshilli i Sigurisë në OKB po mban një takim emergjent lidhur me situatën tragjike në Kabul, ku me mijëra afganistanë po ikin nga atdheu për ti mbijetuar regjimit të talibanëve.

Sekretari i përgjithshëm, Antonio Guterres i’u bëri thirrje talebanëve të tregojnë vetëpërmbajtje dhe të mbrojnë jetët e civilëve të pafajshëm dhe premtoi se OKB-ja nuk do t’i braktisë afganët në këto momente të vështira. Sipas Guterres, ka raportime të shumta se në Afganistan janë evidentuar shkelje të theksuara të të drejtave të njeriut.

“Jam i shqetësuar në mënyrë të veçantë për shkeljen e të drejtave nga grave dhe vajzave në Afganistan. Ne nuk mund t’i braktisim afganët në këto momente”, tha sekretari.

Po ashtu Guterres i bëri thirrje Këshillit që të përdorë të gjitha mjetet në dispozicion të ushtrojnë presion për të shtypur kërcënimin terrorist në Afganistan dhe kërkoi nga vendet që të pranojnë refugjatët afganë.