Këshilltar i Ramës? Eksperti amerikan i ekonomisë vizitë në Kryeministri

Kryeministri Edi Rama dhe ministrja Elisa Spiropali janë takuar këtë të martë me një nga ekspertët më të njohur në fushën e ekonomisë, amerikanin James K. Sebenius.

Përmes një postimi në rrjete sociale, Spiropali shprehet se ka qenë ambasadori i Spanjës në Tiranë “ndërmjetësi”, por që mbeten të paqarta qëllimet e vizitës së ekonomistit amerikan në vendin tonë.

“Kënaqësi e veçantë që bashkë me Kryeministrin takuam ekonomistin amerikan James K. Sebenius, aktualisht profesor i Administrimit të Biznesit në Harvard Business School, bashkëthemelues dhe partner i Lax Sebenius LLC, autor i disa librave të njohur, specializuar në analizimin e këshillimin e qeverive & korporatave në mbarë botën për negociatat e tyre më komplekse dhe sfiduese. Faleminderit Ambasadorit të Spanjës në Tiranë, z. Alvaro Renedo Zalba, për prezantimin miqësor”, shkruan Spiropali në rrjetet sociale.