Kolegji Zgjedhor pranoi ankimin e koalicionit “BF”, rinis numërimi i votave në 18 kutitë për bashkinë e Kuçovës

Ka rinisur numërimi i votave në 18 kutitë në Bashkinë e Kuçovës në ambientet e KQZ-së.

Rinumërimi vjen pasi Kolegji Zgjedhor pranoi ankimin e koalicionit “Bashkë Fitojmë” dhe të kandidatit të tyre Lefter Maliqi, për rezultatin e kësaj bashkie.

Në garë për Bashkinë e Kuçovës ishte Kreshnik Hajdari i Partisë Socialiste, Lefter Maliqi i Koalicioni “Bashkë Fitojmë” dhe Ilirjan Koxhaj i Partisë Demokratike.

Zgjedhjet u fituan nga kandidati Kreshnik Hajdari i PS-së, për të cilin SPAK ka nisur hetimet pasi ka fshehur në formularin e vetëdeklarimit një dënim të marrë në shtetin grek në vitin 1999.