Komisioni i Venecias dorëzon Vettingun në Gjykatën Kushtetuese

Komisioni i Venecias ka dorëzuar pranë Gjykatës Kushtetuese opinioni e kërkuar mbi ligjin e Vetting-ut. “News24” duke iu referuar burimeve, raporton se dokumenti ka mbërritur pasditen e së enjtes pranë Kushtetueses. Kjo i hap rrugën mbledhjes së 9 anëtarëve të gjykatës për të vendosur mbi kërkesën e Partisë Demokratike nëse ligji është antikushtetues.

OPINIONI

Mësohet se në qëndrimin e tij Komisioni i Venecias, ka shprehur vlerësim pozitiv për këtë ligj, ndërsa ka analizuar pikëpyetjet e gjykatës Kushtetuese. Lidhur me këtë fakt, Venecia i është përgjigjur Kushtetueses për disa çështje.

Po ashtu, Venecia shtoi se Vettingut duhet t’i nënshtrohen edhe gjykatësit e Gjykatës Kushtetueses. “Dispozitat nuk shkelin nenet e të drejtave të njeriut. Në tërësi ligji i Vettingut është pozitiv. Ligji i Vettingut, i nevojshëm për Shqipërinë. Gjykata Kushtetuese ka konflikt interesi me ligjin. Dispozitat nuk shkelin nenet e të drejtave të njeriut.”, citohet në opinionin e Venecias.

Komisioni i Venecias theksoi se dispozitat e ligjit nuk shkelin nenet e Konventës europiane të të Drejtave të Njeriut apo shfaqin problem për asnjë nga çështjet e ngritura nga Gjykata kushtetuese e Shqipërisë në kërkesën e saj për të marrë një opinion rreth tekstit të miratuar nga parlamenti më 30 gusht të këtij viti.