Koronavirusi, Henze – Sorecës: A keni bashkëpunim me ekspertët në Shqipëri? Rama ka 5 muaj që nuk bën kontroll pandemik

Këshilltari ekonomik pranë grupimit qeverisës në Gjermani, CDI, Martin Henze vijon akuzat e tij ndaj zyrës së Bashkimit Europian në Tiranë.

Në një reagim ndaj njoftimit të Prezencës së BE-së në Tiranë në rrjetet sociale, ku lajmërohet ndihma e qeverisë shqiptare me pajisje mjekësore të standardeve më të larta të vëna në dispozicion për përballimin e krizës së pandemisë Covid-19, zyrtari gjerman i bën thirrje ambasadorit të BE-së Luigi Soreca për të shtuar kontaktet me ekspertët aktualë në Shqipëri, pasi siç thotë ai, qeveria “Rama” nuk ka realizuar ndonjë kontroll pandemik gjatë këtyre 5 muajve.

“Ambasador, ju duhet të keni një diskutim me ekspertë aktualë në Shqipëri, si Prof. T. Shehu, i cili është shumë i njohur ndërkombëtarisht.

Rama nuk ka realizuar ndonjë kontroll pandemik për 5 muaj”, shprehet Martin Henze.

Njoftimi i BE-së

# BE-ja vazhdon të jetë shumë afër shqiptarëve në momentet e nevojës. Pajisjet mjekësore të standardeve më të larta janë në dispozicion për të luftuar kundër krizës # COVID19.

Por është thelbësore të respektohen rregullat e distancimit shoqëror. Ne do ta kapërcejmë këtë krizë së bashku.

The #EU??continues to be very close to the Albanian??people in moments of need. Top-standard medical equipment is available to fight against #COVID19 crisis.
But it is essential to respect the rules of social distancing. We will overcome this crisis together. #EuforAlbania???? https://t.co/nIBqEWoEnG

— Luigi Soreca?? (@LSorecaEU) June 18, 2020