Kreu i Dhomës së Deputetëve të Parlamentit të Çekisë, vizitë në Tiranë
Politikë E Martë, 4 Nëntor 2014 00:00
Kryetari i Kuvendit, z. Ilir Meta do të presë më datë 5 Nëntor 2014, në orën 10:30 në një takim në Kryesinë e Kuvendit, Kryetarin e Dhomës së Deputetëve të Parlamentit të Republikës Ceke, z. Jan Hamacek dhe delegacionin që e shoqëron.
Pas takimit dy homologët do të kenë një prononcim të përbashkët për mediat.
Gjatë vizitës së tij në Tiranë, Kryetari i Dhomës së Deputetëve të Parlamentit të Republikës Ceke, z. Jan Hamacek do të takohet me krerët më të larta të vendit, Presidentin e Republikës së Shqipërisë z. Bujar Nishani dhe Kryeministrin e Shqipërisë z. Edi Rama.
