Kreu i SPAK-ut pyetet nëse do të kërkohet arrestimi i Berishës pas heqjes së imunitetit

Kreu i Prokurorisë së Posaçme, Altin Dumani, është pyetur ditën e sotme nëse do të kërkohet arrestimi i ish-kryeministrit Sali Berisha pas heqjes së imunitetit.

Dumani është shprehur se do të jenë prokurorët e çështjes së Sali Berishës që do të vendosin nëse do të kërkohet arrestimi i ish-kryeministrit nëse Kuvendi vendos heqjen e imunitetit të tij të deputetit.

Kuvendi do të votojë në seancën parlamentare të së enjtes (21 dhjetor) për kërkesën e SPAK për heqjen e imunitetit të Berishës, që i hap rrugë arrestimit të tij.