Kreu i Venecias: I lumtur që kontribuova për reformën

Presidenti i Komisionit të Venecias, Gianni Buquicchio ka uruar politikën shqiptare për miratimin me konsensus të reformës në drejtësi.

Nëpërmjet një postimi në twitter, Presidenti Buquicchio shprehet se është i lumtur që ka luajtur një rol në këtë proces.

“Votë unanime e Kuvendit për ndryshimet kushtetuese për reformimin e gjyqësorit. I lumtur që kam luajtur një rol qendror në këtë proces”, shkruan Presidenti i Komisionit të Venecias.