Kroçera ”Sirena”, Rama: 636 turistë amerikanë mbërrijnë në Durrës për të vizituar vendin

Kroçera “Sirena” me 636 turistë amerikanë ka mbërritur këtë të hënë në Portin e Durrësit. Anija turistike me gjatësi 180 metra u ankorua mëngjesin e sotëm në kalatën 5 të portit më të madh të vendit.

Kryeministri Edi Rama në një postim në Facebook, shkruan se ”636 turistë amerikanë kanë mbërritur ditën e sotme në Portin e Durrësit me kroçierën “Sirena” për të vizituar vendin tonë”.

Kroçera “Sirena” po kryen një tur në disa qytete turistike të detit Mesdhe dhe u ndal në Durrës pas vizitës në Argostoli (Greqi). Gjatë qëndrimit të anijes turistike në Durrës turistët e huaj do të vizitojnë qytetet e Tiranës, Krujës, Beratit dhe Durrësit dhe pas qëndrimit ditor në Durrës, kroçera do të vijojë lundrimin drejt Dubrovnikut (Kroaci).