Kryebashkiaku Erion Veliaj uron Pashkët nga QSUT, në krahët e Kajanit

“Lepurushi i vogël Kajan na solli vezët e Pashkës në spital sot!
Gëzuar Pashkën, dashuri dhe shëndet të gjithëve!
Mirënjohje për mesazhet e kujdesit, pasdite ju rrëfej pak më shumë për duarartët e zemërbardhët në QSUT!”- shkruan Veliaj nga spitali.
Ky është urimi me të cilin kryebashkiaku i Tiranës, Erion Veliaj, u është drejtuar të gjithë besimtarëve katolikë me rastin e Pashkës. Ai ka zgjedhur të urojë nga dhoma e spitalit ku po trajtohet pas një ndërhyrjeje kirurgjikale për heqjen e qeses së tëmthit për gurë.

Trajtimi kirurgjikal dhe rehabilitues në QSUT është një sinjal pozitiv që Veliaj përcjell për të gjithë kryeqytetasit dhe jo vetëm, si shprehje e garancisë se edhe shërbimi spitalor publik është një vlerë e profesionalizmit dhe gadishmërisë që u ofrohet qytetarëve.

Komentues të shumtë falenderojnë për urimin dhe solidarizohen me fjalë të përzemërta dhe lutje për shërim të shpejtë të kryebashkiakut.