Kryemadhi: Rilindjes sa vjen dhe i ngushtohet laku. Edhe 6 muaj iu kanë ngelur
Kryetarja e LSI-së Monika Kryemadhi, ka vizituar Vorën, për të parë nga afër problematikën e banorëve të dëmtuar nga tërmeti në këtë zonë.
“Normalisht ky që do ju prishi pallatet këtyre nuk ka për tu dhënë as shtëpi, asgjë. Me ata nga ana tjetër nuk merret fare për ti ndihmuar, as nuk i sheh me sy, vjen vetëm këtu ku do të bëjë pallate dhe kulla. Si nuk u ngop ky? Nuk la gjë pa marrë, detin po, naftën po, pronat po, nuk u ngop ky. Nuk ka për të marrë asgjë me vete. Kur ishte Ilir Meta Kryeministër e bëri me prokurori, me polici, me të gjitha që i shembën në 1997-ën. Kur u bë Ilir Meta Kryetar Parlamenti nuk e la atë të bënte koncensione që të vidhte. Tani që është President ky do që të grabisë Kushtetutën dhe Ilir Meta nuk e lë..”,- tha kryetarja e LSI.
Kryetarja e LSI tha se është e pafalshme që po bëhen afera dhe me ndërtimin e objekteve të dëmtuara nga tërmeti. “Nëqoftëse marrin aq metra katror apartamente sa i prishet këtu, të kenë kontratën të paktën. Nesër kur të iki Edi Rama, vijnë dhe thotë më ka premtuar Edi Rama, por po se pate me letër me firmë s’ke çfarë i jep ti. Se të gjithë zullumet e Edi Ramës do ti pastrojmë ne. Banorët duhet t’i sensibilizojmë, nëse ke ikur nga apartamenti jot, duhet një letër marrëveshje, kontratë me kë institucion, firmën ndërtuese që do e marri, me institucionin që do ta japi dhe me përgjegjës. Ta firmosin ata se ata do të mbajnë përgjegjësi nesër. S’ka më përgjegjësi kolektive, siç mendon Edi Rama. Kap koncesione çoji në Parlament dhe grabit naftën, detin, prona, kodra, fusha, rrugë. Si nuk u ngop ky njeri? Çfarë do më? 30 vjet pushtet që në ’98 pa zbritur një sekondë. Nuk u ngop duke shkatërruar Tiranën, Kopshtin Botanik, Bllokun, gjithë Unazën e Re, Laprakën dhe njësisë 9, Farkën gjithë Shqipërinë me bregdet dhe me të tëra. Nuk u ngop edhe këtu në Vorë me pallate. Çfarë do më? Dhe te hallexhinjtë do shkojë? Edhe te shtëpia, koteci i hallexhiut do shkojë? Kjo është absurditet”,- tha Kryemadhi.
