Kryemadhi takon çiftin Haradinaj: Trojet tona janë të bekuara. E ardhmja këtu është si askund tjetër

Kryetarja e LSI-së, Monika Kryemadhi është takuar me ish-kryeministrin Ramush Haradinaj dhe me bashkëshorten e tij, pas mbylljes së kampit të LRI-së në Jalë. Në mesazhin krah ciftit Haradinaj, Kryemadhi thotë se “Nuk mund ti shpëtonin bisedës me Kryetarin e AAK diskutimet mbi zhvillimet në Shqipëri, Kosovë e rajon, dhe mbi rëndësinë që ka për suksesin në sfidat e përbashkëta të së ardhmes krijimi i një lidhje më të fortë mes brezit të ri”.

Postimi i plotë

Me Anitën përqafuar, ndërsa me Ramushin gati për një bisedë miqësore për ti treguar përvojën e sivjetshme nga kampi rinor i LRI-së në Jalë.

Surprizën e bukur që zbulova gjatë ditëve të kampit me të rinjtë që e kanë vendosur të punojnë dhe të jetojnë në një Shqipëri evropiane, pa qenë të detyruar të largohen se dikush iu shkatërron ëndrrat, dua ta ndaj me të gjithë.

Nuk mund ti shpëtonin bisedës me Kryetarin e AAK diskutimet mbi zhvillimet në Shqipëri, Kosovë e rajon, dhe mbi rëndësinë që ka për suksesin në sfidat e përbashkëta të së ardhmes krijimi i një lidhje më të fortë mes brezit të ri.

Trojet tona janë të bekuara nga Zoti me bukuri mahnitëse dhe njerëz me karakter të fortë e tradita. Me besim dhe dashuri e ardhmja këtu është si askund tjetër!