Kryemadhi thirrje Ramës: Bëhu trim, vendos emër dhe firmë

Kryetarja e LSI-së, Monika Kryemadhi gjatë një takimi me Lëvizjen e Gruas për Integrim në Tiranë, i bëri thirrje kryeministrit Edi Rama që të ngrejë një padi me emrin dhe firmën e tij ndaj çdo opozitari që akuzon dhe të mos merret më me thashetheme.

“Unë i bëj thirrje Ramës që të shkruajë një padi dhe të vendosë emrin dhe firmën për çdo akuzë që ka ndaj opozitës, Ka 20 vite që bën me baltë çdo kundërshtar të tij. Le të bëhet aq trim dhe le të vendosë firmën për çdo opozitar që ka në dosje”.

Kurse për deklaratën e kryeministrit Rama se shumë shpejt do të fillojë ballafaqimi i pagave të deklaruara me stilin e jetesës që bëjnë qytetarët, Kryemadhi e quajti atë qesharake.