Kryeministri Edi Rama: S’ka arsye për ndryshime në qeveri

Prej ditësh flitet për ndryshime në qeveri, por sot pas mbledhjes së Kryesisë, Edi Rama i mohoi. Rama tha për gazetarët se nuk do të bëjë ndryshime në kabinetin qeveritar.

”Nuk ka arsye të ketë ndryshime në kabinet. Takimin e bëmë për agjendën e kongresit të Partisë Socialiste, statutit të PS dhe në kongres do të paraqesim rezultatet e këshillimit kombëtar. Është një proces që për fat të keq pati një interferencë nga kriza e krijuar nga lufta në Ukrainë”.

I pyetur nëse do të bashkëpunojë me Sali Berishën për zgjedhjen e presidentit të ri, Rama u përgjigj: “Unë flas për të gjallët, ju flisni për të vdekurin”.