Kryeministri Rama: Gati projekti i Rilindjes për Vlorën

Kryeministri i vendit, Edi Rama ka shpërndarë disa foto në rrjetet sociale e me këtë rast njofton për projektin e rilindjes urbane në qytetin e Vlorës.

Rama shkruan se ka bërë rivitalizimin e qytetit të Vlorës do të ndiqet shembulli i Korçës.

“Gati projekti tjetër i Rilindjes Urbane për Vlorën. Do të përsëritet shembulli i shkëlqyer i restaurimit dhe rilindjes së Pazarit të Korçës.

Qendra e vjetër dhe krejt e degraduar historike e qytetit të pavarësisë, do të restaurohet dhe kthehet në një pol të ri ekonomik e turistik të Vlorës. Përsëri partneri ynë do të jetë njësoj si në Korçë, Fondi Shqiptaro-Amerikan i Zhvillimit”, ka shkruar Rama.