Kryeministri Rama mbledh në Cërrik ministrat, kryebashkiakët dhe fermerët

Kryeministri Edi Rama mbledh në Cërrik sot dhe nesër ministrat, kryebashkiakët, fermerë dhe drejtues të agro-turizmit. Takimi ka në fokus bujqësinë dhe të pranishëm do të jenë ministrat: Petrit Malaj, Anila Denaj dhe Belinda Balluku. Analiza do të përfshijë agroturizëm, bujqësi, blegtori, peshkim, agro-përpunim etj.

Takimi do të zgjasë 2 ditë, sot dhe nesër, dhe është i organizuar si një diskutim mbi sektorin e bujqësisë. Që nga mbështetje financiare që merr nga buxheti i shtetit, mundësitë për të rritur financimin, skemat kombëtare dhe si mund të rishikohen për të qenë sa më mbështetëse e deri tek masat e marra për IPARD, që të riaktivizohen fondet.

Jo vetëm ministra dhe fermerë, por në këtë takim do të marrin pjesë edhe kryetari i Komisionit të Ekonomisë Eduart Shalsi, Bledi Çuçi, Niko Peleshi, rektori i Universitetit Bujqësor Fatbardh Sallaku si dhe kryetaër të bashkive Elbasan, Durrës, Shkodër, Lushnje etj.