Luan Rama: LSI i respekton, nuk i prish marrëveshjet

Lëvizja Socialiste për Integrim zhvilloi një takim me strukturat e partisë të qarkut Shkodër, ku të pranishëm ishin Nënkryetari i LSI-së, Luan Rama si edhe deputetët e LSI-së, Agron Çela dhe Ylli Shehu.

Nënkryetari i LSI-së,  Luan Rama, në fjalën e tij përpara anëtarëve të strukturave të Lëvizjes Socialiste për Integrim theksoi se LSI-ja është një parti që pasqyron dimensionin qytetar të politikës shqiptare.

Sipas tij, Lëvizja Socialiste për Integrim është modeli i qytetarisë e bashkëpunimit që dëshmon dimensionin qytetar të politikës.

“Lëvizja Socialiste për Integrim është modeli i qytetarisë dhe i bashkëpunimit. Kjo pasi Lëvizja Socialiste për Integrim dëshmon dimensionin qytetar të politikës shqiptare”, – tha Rama.

Krahas kësaj, nënkryetari i LSI-së, u shpreh se Lëvizja Socialiste për Integrim i respekton marrëveshjet dhe është modeli i konsensusit.

“Lëvizja Socialiste për Integrim është një forcë politike e cila i respekton marrëveshjet dhe nuk i prish ato. Ne jemi forca politike e cila është modeli i bashkëpunimit dhe i konsensusit”, – tha ndër të tjera Nënkryetari i LSI-së, Luan Rama gjatë takimit. /ATA