Luan Rama: Transparenca e shpenzimeve tona, vendosëm standarde

“Nga ky moment në faqen online të LSI-së kemi hapësirën e posaçme ku shfaqen të dhënat që kanë të bëjnë me buxhetin e partisë. E gjithë dinamika e lëvizjeve financiare, të ardhurat që vijnë nga buxheti për shkak të të qenit parti parlamentare, kuotat e antarëve apo kontributet e simpatizantëve të partisë, do të publikohen të detajuara online”.

Këtë fakt e bëri të qartë sot para mediave, Luan Rama, sekretari i Përgjithshëm i LSI-së, Luan Rama, gjatë një konference për mediat nga selia e kësaj partie, teksa ka sqaruar vendimin e marrë dje nga Kryesia e Lëvizjes Socialiste për Integrim që në emër të transparencës të promovojë e para vendosjen e një standardi të ri, publikimin online të të gjitha të ardhurave dhe shpenzimeve të saj.

“Në mbledhjen e djeshme të kryesisë është miratuar buxheti i vitit 2016 dhe çdo gjë që ka të bëjë më këtë buxhet do të publikohet online. Çdo aktivitet apo veprimtari publike do të jetë në sytë e publikut edhe sa i përket anës financiare, jo më vonë se dy ditë nga mbajtja e akitivitetit. Kjo është e vlefshme edhe për LRI-në dhe LGI-në”, shtoi ai.

"Me këtë nismë, thjesht vendosëm një standard demokratik", përfundoi Luan Rama.