Basha në konferencën e fundvitit: 2021 një vit i mbrapshtë për shqiptarët

Kreu i selisë blu, Lulzim Basha po mban konferencën e fundvitit me gazetarët. 2021 ai e ka cilësuar të mbrapshtë për shqiptarët, ku përmend një prej skandaleve më të mëdha, që ka të bëjë me inceneratorët. “2021 një vit i mbrapshtë për shqiptarët”.

Ai tha se avokatia që Edi Rama i ka bërë aferës së inceneratorëve, e ka nxjerrë atë zbuluar.

“Është prova që ai është bashkautor dhe bashkëpërfitues me Lefter Kokën. Arrestimi i ish-ministrit të Ramës është provë e qëndresës sonë. Paratë e inceneratorëve kanë qenë pjesë e skemës së blerjes së votës, janë përdorur për të mbyllur gojën e mediave. Skema e inceneratorëve është një skemë kriminale mes mafias së plehrave dhe politikanëve”, u shpreh Basha.

Për të drejtësia ka hedhur një hap të parë, por nuk duhet mjaftuar me kaq. “Drejtësia duhet të procedojë me hapa të tjerë”.