Lulzim Basha: Opozita e gatshme të hyjnë në zgjedhje nesër dhe t’i fitojë ato

Në një intervistë për gazetën “Mapo”, kreu i Partisë Demokratike, Lulzim Basha, shprehet se “PD-ja dhe opozita, janë gati të hyjnë në zgjedhje nesër dhe t’i fitojnë ato”. 

Sipas Bashës, të gjitha sondazhet e nxjerrin sot PD, si forcë të parë politike në vend dhe thotë që është i bindur në fitoren e PD-së e po punon për të bindur elektoratin gri.

“Partia Demokratike do të fitojë shumicën e duhur që do t’i mundësojnë qeverisjen e vendit. Të gjitha sondazhet e nxjerrin sot Partinë Demokratike forcën e parë politike në vend, një fenomen që ka, të paktën, dy dekada që nuk ndodh në Shqipëri. Ne po bëjmë gjithçka të bindim edhe elektoratin e pavendosur se PD është alternativa më e mirë për vendin. Dhe për këtë ne kemi hartuar një program ekonomik në bashkëpunim të ngushtë me ekspertët gjermanë te CDU dhe në konsultim të gjerë qytetar”- thotë Basha, pyetur se sa deputete merr PD nëse bëhen nesër zgjedhjet.

Kryedemokrati sqaron se e kanë tashmë gati platformën antimafia dhe antikorrupsion, me të cilën, çdokush që ka futur duart në pasurinë publike do t’ua ktheje mbrapsht qytetarëve, kemi paraqitur propozimet tona për garantimin e zgjedhjeve të lira e të ndershme.

“Kemi gati platformën antimafia dhe antikorrupsion me të cilën çdo kush që ka futurt duart në pasuritë publike do t’ua kthejë mbrapsh qytetarëve, kemi paraqitur propozimet tona për garantimin e zgjedhjeve të lira dhe të ndershme.

Unë jam i vendosur të çoj përpara misionin tim për t’u dhënë shqiptarëve në qeverisje, modelin europian që meritojnë“, është shprehur kreu i opozitës Lulzim Basha gjatë intervistës.