Majko: Javën që vjen mbyllet paketa ligjore për reformën në drejtësi

Pas mbledhjes së fundit të Komisionit të posatshëm për Reformën në Drejtësi, deputeti i Partisë Socialiste, Pandeli Majko tha se javën që vjen do të mbyllet paketa ligjore për reformën në drejtësi.

“Ajo që është e rëndësishme është që javen që vjen e mbyllim historin e pakëtës ligjore. Kemi diskutuar, kemi mbledhur opinionet e ndërkombëtarëve, po presim edhe opozitën të japë mendimin e fundit dhe javen tjetër e mbyllim. Nesër do të mblidhem prap në orën nëntë, do të vazhdojmë të premte të punojmë dhe do ruajmë intestin që ti japim fund paketës ligjore”, tha Majko.