Manastirliu, bisedë me homologun maqedonas: Të gatshëm për të ndihmuar në këtë moment të vështirë

Ministrja e Shëndetësisë, Ogerta Manastirliu, ka zhvilluar një bisedë me homologun maqedonas, Venko Filipçe.

Në një postim në Facebook, Manastirliu tregon se i ka shprehur ministrit maqedonas ngushëllimet për viktimat që humbën jetën në tragjedinë e Tetovës dhe gatishmërinë për të ndihmuar në këtë moment të vështirë.

“Gjatë bisedës me kolegun Venko Filipce të Maqedonisë së Veriut, i shpreha ngushëllimet për qytetarët që humbën jetën në tragjedinë e Tetovës, dhe e sigurova për gatishmërinë tonë, për të ndihmuar me të gjitha mundësitë dhe burimet tona, në këtë moment të vështirë për fqinjët tanë“, shkruan Manastirliu në Facebook.