Mandati i Holta Zaçajt do të përfundojë më 10 mars 2025

Këtë të hënë Gjykata Kushtetuese ka votuar pro qëndrimit të Gjykatës së Lartë për përfundimin e mandatit të Holta Zaçajt më 10 mars 2025. Vendimi është marrë nga mbledhja e anëtarëve të Gjykatës Kushtetuese.

Kryetarja e Gjykatës Kushtetuese Holta Zaçaj vlerëson se mandati i përfundon pas 12 muajsh. Për të shuar këtë dilemë ajo thirri mbledhjen e gjyqtarëve në Kushtetuese dhe për t’i paraprirë situatave të ngjashme në të ardhmen, ajo deklaroi se ka kërkuar edhe opinionin e ekspertëve ndërkombëtarë të Komisionit të Venecias.

“Gjykata e Lartë në vendimin e saj ka deklaruar zgjedhjen e Znj. Holta Zaçaj si anëtare e Gjykatës Kushtetuese me mandat të pjesshëm deri në kryerjen e ripërtëritjes në vitin 2025. Duke qenë se nuk ka një datë të përcaktuar për përfundimin e kësaj detyre, bazuar në rregullat e përgjithshme juridike për llogaritjen e afateve, si afat fundor i ushtrimit të detyrës do të duhet të konsiderohet fundi i vitit 2025”, tha Zaçaj dy javë më parë.