Manjani publikon hartën: Ja si Edi Rama shkatërroi Tiranën

Ish-ministri i Drejtësisë, Ylli Manjani ka publikuar hartën e vitit 2000 të qendrës së Tiranës, ku është shënuar gjitha zona e mbrojtur për shkak të vlerave historike.

Manjani shprehet se kjo zonë u shkatërrua pikërisht nga Edi Rama, i cili mori përsipër ta mbronte në vitin 2000.

Postimi i plotë i Ylli Manjanit:

Kjo është harta që u bë me vendimin nr 180, te vitit 2000. Kjo zonë brenda vijës së zezë është qendra e Tiranës që ky vendim e merr në mbrojtje si zonë me vlera historike.

Këtë vendim e propozoi dhe e mbrojti fort Edi Rama. Me këtë vendim Ai hyri në politikë me premtimin dhe garancinë se kjo zonë e Tiranës do ruhej!

Sot pas 18 viteve, mund të shohim të gjithë se vetëm këtë vendim, Edi Rama nuk e zbatoi!!

Nuk e zbatoi as kur krijoi një shesh të ri “Skenderbej”, as kur beri planin Francez, as Kur beri Planin e Tiranës e as Planin e Kombëtar!

Nuk e zbatoi as kur shkatërroi hyrjen e Stadiumit “Qemal Stafa” e as tani që po prish Teatrin Kombëtar!

Ky është Ai që ka vendosur haptazi më shumë kundër vetes së tij! Prisni më kot që të vendosë drejt për vendin dhe të tjerët!