Mark Marku: PD s’duhet ti njohë zgjedhjet

Drejtuesi politik i qarkut të Lezhës, Mark Marku, tha në Çim Peka Live se PD nuk duhet ti njohë zgjedhjet sa kohë që Rama është organizatori i vjedhjes së tyre.

‘Unë të gjitha përshëndetjet ndërkombëtare i shikoj si formula diplomatike.

Unë nuk mendoj se SHBA do të përshëndesin blerjen e votave. Unë kam qenë pro daljes nga parlamenti paçka se e shikoja si akt ekstrem. Por mendoj që jemi në një fazë tjetër. Kemi një grup parlamentar shumë të fortë, një masë njerëzish të irrituar, kemi shumë më tepër mbështetës dhe ata janë manipuluar në të gjitha format, por kurrë këto zgjedhje nuk duhen njohur.

Pra Rama do të duhet të konsiderohet prej ketij momenti deri në fund si vjedhës i mandatëve të shqiptarëve.

Vetëm kur të largohet atëherë do të ketë zgjedhje të ndershme. Motoja jonë do të jetë zgjedhje të parakoshme.

Unë mendoj që këtë radhë nuk ka shqiptar që të mund të mendojë që këto zgjedhje nuk janë të blera.’