Marrëveshja Kosovë-Serbi, Rama: Kjo është rruga e duhur

Kryeministri Edi Rama përshëndet marrëveshjen e arritur mes Kosovës dhe Serbisë në fushën energjetike. Për kreun e qeverisë, kjo është rruga e duhur të cilën dy vendet duhet të ndjekin. ”Gjë shumë e mirë marrëveshja e firmosur mes Kosovës e Serbisë për energjinë në Veri. Kjo është rruga e duhur. Të tjerat janë humbje kohe duke rrejt veten”, shkruan Rama.

Gjë shumë e mirë marrëveshja e firmosur mes Kosovës e Serbisë për energjinë në Veri. Kjo është rruga e duhur. Të tjerat janë humbje kohe duke rrejt veten!

— Edi Rama (@ediramaal) June 21, 2022

Sipas diplomatëve, arritja e marrëveshjes ndihmon në krijimin e rrethanave për takim në nivel të lartë dhe për avancim të dialogut drejt një marrëveshjeje gjithëpërfshirëse.

Qytetarët e komunave në veri të Kosovës, Mitrovicë e Veriut, Leposaviq, Zveçan dhe Zubin Potok -kryesisht me shumicë serbe, nuk e paguajnë energjinë prej dekadash.

Udhërrëfyesi parashikon që Zyra e Rregullatorit për Energji e Kosovës t’i lëshojë licencë për furnizim kompanisë nga veriu, Elektrosever, në përputhje me kornizën ligjore dhe rregullatore të Kosovës.