Mbledhja e Ramës me ministrat, 4 grupe paraqesin analizat e tyre

2023 nis menjëherë me punë për qeverinë ”Rama 3”. Pasditen e kësaj të mërkure kryeministri Edi Rama mblodhi ministrat në një takim informal tek “Vila 30”.

Janë 4 grupe që paraqesin analizat e tyre. Kurse të enjten do të përfundojnë raportimin Ministria e Jashtme dhe e Mbrojtjes dhe më pas drejtuesit e qarqeve. Grupi i parë është i ekonomisë ku janë Ministria e Infrastrukturës, Ministria e Turizmit, Ministria e Bujqësisë dhe Ministria e Sipërmarrjes.

Në fund të çdo grupi ndërhyn kryeministri Rama me të gjitha ato konkluzionet dhe porositë që ai ka për të dhënë për ministrat përkatës.

Nesër do të jetë grupi i mbrojtjes dhe diplomacisë, pra Ministria e Jashtme dhe e Mbrojtjes, ku ministrat do të bëjnë analizën e dikastereve të tyre dhe do ta përmbylli ministria e Financave. Mbledhja përfundon me një drekë dhe një analizë të drejtuesve të qarqeve këtu në “Vilën 30”.