Mblidhet Kuvendi. Ja çfarë pritet të ndodhë sot në seancën plenare

Kuvendi i Shqipërisë pritet të mblidhet këtë të enjte, ku do të diskutohetn një sërë çështjesh. Në rend dite, është parashikuar interpelancë me zv. kryeministrin Arben Ahmetaj, kërkuar nga deputeti i PD, Fredinand Xhaferraj.

Gjithashtu, pritet të hidhet për votim projektligji për eurobondin që do të emetohet nga ministri i Financave dhe Ekonomisë.

Po ashtu, në rend dite është parashikuar projektligji për miratimin e buxhetit faktit të vitit 2020 dhe projektvendimi për ngritjen e komisionit hetimor të kuvendit për të kontrolluar ligjshmërinë e veprimeve administrative dhe procedurës së ndjekur nga ana e organeve ekzekutive në procedurat për ndërtimin dhe administrimin e impianteve të trajtimit të mbetjeve urbane në Tiranë, Elbasan dhe Fier”. Koha e mbetur më pas do të jetë në dispozicion për diskutime jashtë rendit të ditës.