Media franceze sugjeron Tiranën për t’u vizituar, ironia e Ramës: Kaq budallenj këta të huajt?

Media franceze Telerama ka publikuar listën e 10 qyteteve që duhen vizituar.

Mes tyre është edhe Tirana

“Për kuriozët: Tirana”, shkruan “Telerama.fr”.

“I ndaluar për turizëm gjatë periudhës komuniste, në 2017 Shqipëria është një vend që duhet parë nga afër. Është një destinacion në rritje. Pikët e forcës janë bregu Adriatik, kryeqyteti Tirana,i gjallë dhe plotë ngjyra, një vend për t’u zbuluar”, shkruan media franceze.

Linkun e ka shpërndarë dhe kryeministri Rama duke ironizuar.

“Çudi e madhe! Si ka mundesi qe edhe Telerama (ju siguroj se nuk ka asnje lidhje me mua perveç ngjashmerise me mbiemrin), e perjavshmja popullore franceze sugjeron Tiranen, si nje nder dhjete destinacionet turistike te ketij vit?! Tirana e betonizuar e njemije e nje te zezave nje nder dhjete destinacionet me te preferuara per francezet?!Kaq budallenj te jene valle edhe keta?!”, shkruan Rama.