Media greke: Maqedoninë veriore e ka marrë dritën jeshile, por Shqipërisë i janë vënë kushte të shumta dhe të vështira

Politikë E Hënë, 23 Mars 2020 20:30

Dritë jeshile për Maqedoninë Veriore dhe Shqipërinë, shkruan media greke, por sidoqoftë, rastet e dy vendeve të Ballkanit Perëndimor nuk janë të njëjta.
Eshtë e qartë se ndërsa për Maqedoninë Veriore ka një marrëveshje pothuajse unanime që ky vend ka bërë gjithçka në fuqinë e tij për të qenë në përputhje me detyrimet e saj, situata në Shqipëri është ndryshe.

Situata politike në Shqipëri, megjithatë, ende nuk frymëzon besim në shumë vende anëtare të BE-së, përfshirë Greqinë, e cila ka disa fronte të hapura me atë vend.
Franca, si dhe Hollanda dhe Danimarka kanë shprehur rezerva serioze për Shqipërinë, ndërsa burimet diplomatike evropiane nuk e fshehën shqetësimin e tyre mbi insistimin e Italisë për të mos i bërë presion shumë mbi Tiranën.
Rezervimet e disa vendeve ishin arsyeja, sipas draftit të Konkluzioneve të arritura nga Përfaqësuesit e Përhershëm pasditen e së Premtes 20 Mars, që pjesa më e madhe i ishte kushtuar Shqipërisë.

Vendit fqinj i kërkohet të përmbushë një numër të kritereve të vështira derisa të bihet dakord për një korrnizë të hapjes së negociatave që të lejojë që të mblidhet Konferenca e parë Ndërqeveritare me BE.
Shqipërisë i kërkohet të zbatojë një listë të gjatë të kushteve që lidhen me reformat në ligjin zgjedhor (siç është financimi i partive politike), vazhdimi i reformave në gjyqësor ku përkundër këmbënguljes së tij Komisioni ka akoma dyshime serioze dhe luftën kundër korrupsionit dhe krimit të organizuar.

Nga ana e saj, Athina ka vendosur që nga fillimi një theks të madh në zbatimin e një prej pesë prioriteteve kryesore të përcaktuara deri në qershor 2018, i cili ka të bëjë me mbrojtjen e të drejtave të minoriteteve dhe, veçanërisht, pakicës kombëtare Greke.