Mediat e huaja: Berisha rrezikon 4 deri në 12 vite burg

Votimi i parlamentit për arrestimin e liderit të opozitës, Berisha, është lajm në mediat kryesore botërore.

“Tymuese në parlament teksa ish-udhëheqësit të Shqipërisë iu hoq imuniteti”. Ky është titulli i prestigjiozes britanike, “The Guardian” për votimin e së enjtes në parlament ku u miratua kërkesa e SPAK për dhënien e autorizimit për arrestimin e Sali Berishës. Gazeta përmend tensionin në sallë dhe protestën e mbështetësve të opozitës jashtë tij.

“Sali Berisha, 79 vjeç, i cili dominoi politikën shqiptare në fillim të viteve 1990 si kryetar i shtetit dhe më pas si kryeministër konservator nga 2005 në 2013, tani përballet me arrestimin e mundshëm dhe nëse shpallet fajtor, me një dënim nga 4 deri në 12 vjet burg” – citon “The Guardian” që më pas citon edhe deklarata të Berishës.