Mediu dënon arrestimin e kryeredaktorit të Koha Jonë: Me protestë e me votë, kjo qeveri policore duhet të largohet

Kryetari republikan Fatmir Mediu dënon arrestimin e kryeredaktorit të Koha Jonë, Qamil Xhani ndërsa apelon për rrëzimin e regjimit të korruptuar të Kryeministrit Edi Rama. Sipas Mediut, me protestë e me votë, kjo qeveri policore duhet të largohet.

Statusi i Fatmir Mediut

🔹Marrja me forcë para derës se redaksisë së kryeredaktorit të gazetës “Koha Jonë”, Qamil Xhani, është akti i radhës i dhunës me të cilën Policia e Shtetit është duke vepruar, duke u kthyer në një vegël qorre të pushtetit.

🔹Shoqërimi në komisariat, goditjet gjatë rrugës, por edhe indiferenca e efektivëve dhe shefave ndaj spjegimeve të gazetarit Xhani, që po raportonte mbi protestën, spjegojnë më së miri se kjo trupë, nuk ka më asnjë lidhje me uniformën e nderuar të policit, ka harruar kushtetun dhe ligjin para të cilit është betuar, ka harruar dhe nëpërkëmbur qytetarin, nga i cili paguhet dhe të cilit duhet t’I shërbejë.

🔹Prangosja e gazetarëve, është ndër veprimet e fundit, të cilët i venë shkelmin demokracisë, I marrin frymën dhe I heqin zërin shoqërisë civile, duke e barazuar Shqipërinë me vendet diktatoriale.
🔹Njëkohësisht edhe një ndër aktet të cilat na bëjnë të reflektojmë për të kuptuar përgjegjësinë e largimit sa më shpejtë të këtij regjimi të korruptuar. Me protestë dhe me votë, kjo qeveri policore, duhet të largohet!