Mediu në Bundestag: Mbështetja e Gjermanisë bazuar në rezultatet e qeverisë

Opozita ka ndërtuar një grup që po punon për reformën zgjedhore, kjo i është bërë me dije zyrtarëve të Bundestagut gjerman nga Fatmir Mediu, kreu i Partisë Republikane. Aleati i PD-së, përmes një postimi në facebook, ka treguar se mëngjesin e sotëm ishte pjesë e takimit me deputetë të grupeve të ndryshme, teksa ka theksuar se mbështetja e Gjermanisë do të jetë vetëm nga rezultatet e qeverisë. ”Deputetët vlerësuan se mbështetja e Gjermanisë për Ballkanin dhe Shqipërinë për rrugën Europiane, do të jetë permanente dhe e bazuar në rezultatet konkrete të luftës kundër krimit të organizuar, korrupsionit dhe plotësimit të detyrimeve mbi të cilat bazohet Integrimi Europian”,-shkruan në facebook, Fatmir Mediu.

Postimi i plotë 

Në vazhdim të vizitës në Berlin, mora pjesë në mëngjesin e grupit të deputetëve që oraganizon “Berlin Gathering”. Friedrich Ostendorff The Greens, Avert Weiler CDU/CSU, Alexander Krauß, CDU/CSU, Volker Münz FDP, Frank Heinrich CDU/CSU, Johannes Selle CDU/CSU, Herman Grohe CDU/CSU, Volkmar KLEIN CDU/CSU.

Në Bundenstag u takova me anëtarin e Komisionit të Jashtëm, Ulrich Lechte të FDP, Nënkryetarin e Grupit të FDP, Stephan Thomae si dhe anëtarin e Komisionit të mbrojtjes, deputetin Ingo Gadechens i CDU.

I falenderova për mbështetjen reale që i japin Shqipërisë për një qeverisje të drejtë, të pakorruptuar dhe një shtet kushtetues me standarte Europiane. Deputetët vlerësuan se mbështetja e Gjermanisë për Ballkanin dhe Shqipërinë për rrugën Europiane, do të jetë permanente dhe e bazuar në rezultatet konkrete të luftës kundër krimit të organizuar, korrupsionit dhe plotësimit të detyrimeve mbi të cilat bazohet Integrimi Europian.