Mediu: Rama shpopulloi Shqipërinë, vota e 25 prillit është mundësia më e mirë për të ndryshuar

Papunësia dhe largimi masiv i të rinjve, kanë qenë kryefjala e kryetarit të PR-së, Fatmir Mediu, njëherësh edhe kandidat për deputet në zgjedhjet e 25 prillit. Gjatë takimit me mbështetës të njësisë nr 10 në Tiranë, Mediu akuzoi Ramën se ka shpopulluar Shqipërinë si pasojë e regresit ekonomik që vendi ka pësuar në këto tetë vite nga keqqeverisja.

“Në çdo 5 të rinj 3 janë pa punë. Me pandeminë është rritur papunësia akoma më shumë. Mbi 490 mijë shqiptarë janë larguar nga Shqipëria. Po ashtu borxhi publik është rritur me shifra katastrofale. Borxhi publik ka shkuar mbi 80 për qind”.

Nga ana tjetër, Mediu theksoi se si pasojë e keqqeverisjes borxhi publik është rritur në 80 për qind të prodhimit të brendshëm bruto duke prekur një shifër katastrofike. Ndaj tha ai vota e 25 prillit do të jetë mundësia më e mirë për të ndryshuar.