Meta: Distancohemi nga çdo individ me rekorde kriminale

“LSI përkrah fuqimisht platformën e dekriminalizimit dhe distancohet nga çdo individ me rekorde kriminale që mund të jetë në radhët e saj, apo që synon të anëtarësohet në LSI".

Kështu është shprehur kreu i Lëvizjes Socialiste për Integrim, Ilir Meta, në kuadrin e mbledhjes së radhës të Kryesisë së kësaj force politike.

"Për ne, platforma e dekriminalizimit duhej të ishte miratuar dje dhe jo nesër në Kuvend. Jemi të angazhuar për të përshpjetuar këtë proces që t’i heqim vendit tonë një njollë të pamerituar për shkak të politikës”, tha gjithashtu Meta.