Meta në seancën e GJKKO-së: S’mbaj përgjegjësi për shpenzimet e Monikës dhe nënës së saj

Ilir Meta është paraqitur ditën e sotme në seancën e Apelit të GJKKO, pas ankimimit që bëri ndaj masës së dhënë për të nga SPAK.

Gjatë seancën ai ka lexuar një fjalim të gjatë para hetuesve, fjalim i cili u bë publik me pas edhe në rrjetet sociale nga Partia e Lirisë, ku ndër të të tjera mohon akuzat e SPAK që rëndojnë ndaj tij.

Meta sërish ka deklaruar se nuk ka përgjegjësi për shpenzimet e bëra nga ish-bashkëshortja, Monika Kryemadhi dhe nëna e saj. Ish-presidenti shprehet se nuk ka ndërmend që të arratiset, e se masa arrest me burg ndaj tij duhet të ndryshojë.