Meta për Ramën: E respektoj si basketbollist, por në politikë bën shumë faulla!

Presidenti i Shqipërisë Ilir Meta, pasi ndoqi ndeshjen e basketbollit në Shkodër mes Vllaznisë që mposhti Tiranën ka komentuar edhe ndeshjen.

Një prej gazetarëve i përmendi faktin se dhe kryeministri aktual i vendit Edi Rama ka qenë basketbollist. Meta shprehet se e respekton si ish- basketbollist, por në lojë bënte shumë faulle, kurse në politikë bën akoma më shumë.

Në komentin për Edi Ramën, Presidenti Meta tha: ”Unë e respektoj edhe ish-kryeministrin (Rama) megjithëse ai bënte shumë personale në basketboll dhe për fat të keq bën edhe më shumë faulla në politikë.”– tha Meta.

Sa i përket ndeshjes, ai u shpreh se nuk ishte as me Vllazninë as me Tiranën, por kuqezi si dhe theksoi nevojën e mbështetjes me investime të basketbollit, por edhe të gjitha sporteve në Shqipëri.