Mijëra demokratë në protestë, vjen reagimi i parë nga Edi Rama

Asnjë fjalë për protestën e mijërave demokratëve që janë mbledhur para Kryeministrisë dhe Bulevardit ”Dëshmorët e Kombit”, por Edi Rama ka postuar në fcaebook miratimin e një ligji nga Kuvendi.

Postimi i plotë

Kuvendi miraton Ligjin “FËMIJËT NËN PËRKUJDESJEN E REPUBLIKËS”, për jetimët e të gjithë të rënëve në krye të detyrës apo qytetarëve që humbën jetën në mbrojtje të jetës së të tjerëve apo pronës publike, në kushte situatash fatkeqësie natyrore, si edhe të mjekëve e infermierëve që ndërruan jetë në frontin e luftës kundër virusit Covid-19
Themelet e Ligjit për Fëmijët nën përkujdesjen e Republikës:

Pagë e plotë mujore e prindit deri në moshë madhore ose deri në moshën 25 vjeç për fëmijën e vetëm kur ai/ajo ndjek studimet e larta – 140% e pagës kur prindi ka lënë pas dy fëmijë – 150% e pagës kur fëmijët jetimë janë tre – 160% e pagës së prindit kur në familje janë katër fëmijë që kanë humbur prindin e me radhë;

Mbështetje me prioritet për arsimimin dhe punësimin e çdo fëmije nën përkujdesjen e Republikës;

Kujdes shëndetësor i mbuluar financiarisht nga shteti edhe kur fëmija nën përkujdesjen e Republikës, kurohet në struktura jopublike, brenda ose jashtë vendit.