Mikëpritje madhështore për LSI në Kamëz, Kryemadhi: Fitorja më e madhe u përket qytetarëve (VIDEO)

Kryetarja e LSI-së, Monika Kryemadhi vijon çdo ditë me fushatën elektorale, ku pritja e qytetarëve në çdo zonë që Kryemadhi shkon, është madhështore.

Ashtu sikurse ndodhi edhe ditën e djeshme në Kamëz, ku vetë Kryemadhi e ka treguar përmes një postimi në facebook, ku shkruan se ”Mikëpritje madhështore e me zemër për LSI dje në Kamëz. Ndryshimi po vjen dhe përmes kandidatëve të mrekullueshëm të LSI në Tiranë, fitorja më e madhe u përket qytetarëve”.

Në takim me qytetarët, ajo tha se kjo bashki, është e 5-a në vend, sa iu përket popullsisë dhe shtrirjes gjeografike, dhe se që është një mëkat, që kjo bashki të mos ketë një spital. Ndaj kryetarja e LSI-së u zotua se pas 25 prillit, do të ndërtohet në Kamëz një nga spitalet më modern në vend.