Ministri Hasani: Evakuohen 4 shqiptarë nga Izraeli

Ministri i Jashtëm Igli Hasani përmes një postimi në rrjete sociale bën me dije se 4 shtetas të tjerë shqiptarë janë evakuuar nga Izraeli. Shqiptarët gjendeshin atje për arsye profesionale dhe familjare, bën me dije ministri i Jashtëm.

Reagimi i Ministrit Hasani: 

4 qytetarë të tjerë shqiptarë janë evakuuar me sukses nga Izraeli, dy përmes Jordanisë dhe dy përmes Egjiptit – të cilët gjendeshin atje për arsye profesionale dhe familjare.

Falënderojme autoritetet Izraelite, Jordaneze, Egjiptiane dhe Ambasadën Austriake në Tel Aviv për koordinimin e ngushtë me ambasadat shqiptare në Tel Aviv dhe Kajro.

Vijojmë të ndjekim me përparësi çdo rast të qytetarëve shqiptarë të prekur, të cilët kërkojnë asistencë nga institucionet tona.