Ministri Klosi dhe kryebashkiaku Veliaj takojnë Papen (Video)

Ministri i Mirëqenies Sociale dhe Rinisë Blendi Klosi si dhe kryebashkiaku i Tiranës, Erion Veliaj kanë patur fatin të shtrëngojnë duart me Atin e Shenjtë Papa Françesku gjatë takimit ndërfetar në Asizi me 3500 të ftuar nga e gjithë Bota.

“Kjo është e gjithë Shqipëria”, i thotë një prej organizatorëve Papës teksa e prezanton me delegacionin tonë. Tema e takimit të madh ishte Besimet për bashkëjetesen fetare dhe Rininë tolerante në Shqiperi.

“Kaq shumë të rinj! Vendi i të rinjve, plot me të rinj…”, thotë Papa i mahnitur teksa i jep dorën Blendi  Klosit dhe Erion Veliajt.

“Aty ku ka harmoni fetare”, shton organizatori.

“Poooo”, pohon me kënaqësi Ati i Shenjtë i cili në vitin 2014 vizitoi Shqipërinë e ndërsa më 4 shtator të këtij viti shpalli shenjtore shqiptaren Nënë Tereza në një ceremoni të drejtuar prej tij në Vatikan.

“Emocion i veçantë, shtrëngimi i dorës së virtytit dhe të besimit reciprok e të palëkundur, se zemrën dhe Zotin e kemi të gjithë njësoj dhe të Njejtë’, shkruan ministri Klosi teksa ndan edhe videon emocionuese.
Kliko ketu per te pare videon