Ministri Mazniku takon Dominique Faure, Ministër për Kolektivitetin Territorial dhe Çështjet Rurale në Francë

Ministri i Pushtetit Vendor, Arbjan Mazniku shkruan: “Takim frytdhënës me Dominique Faure, Ministër për Kolektivitetin Territorial dhe Çështjet Rurale në Francë

Diskutuam hapat e rëndësishëm drejt forcimit dhe përmirësimin e funksionimit të bashkive në Shqipëri. Ndajmë ide për të bashkëpunuar për praktika të mira si roli i shoqërive publike lokale dhe mbështetja ekonomike për zhvillimin e rajoneve. Ky bashkëpunim për forcimin e pushtetit vendor është një hap i domosdoshëm drejt integrimit të Shqipërisë në Bashkimin Evropian 🇪🇺

Gjithashtu, me ministren franceze ramë dakort të organizojmë shkëmbime teknike mes agjencive dhe bashkive, për të ndarë njohuri dhe përvoja praktike”.