Ministrja Denaj: Kemi projeksione të qarta për 5 vitet e ardhshme për mbrojtjen e burimeve ujore

Ministrja e Bujqësisë dhe Zhvillimit Rural, Anila Denaj mori pjesë në konferencën ndërkombëtare “Menaxhimi i integruar i ujërave për zhvillimin e qëndrueshëm”, organizuar në Tiranë nga Akademia e Shkencave e Shqipërisë në bashkëpunim me Akademinë e Shkencave dhe Arteve të Kosovës dhe Ministria e Turizmit dhe Mjedisit.

Denaj tha se fokus i këtij takimi ishte bashkëpunimi shkencor, investimet afatgjata dhe politikat e unifikuara për mbrojtjen e burimeve ujore, si një bazë e rëndësishme e punës së MBZHR. Ministrja e vlerësoi partneritetin me universitetin BOKU si gur themeli për forcimin e kërkimit shkencor dhe formimin e brezave të rinj.

“Përballë presionit të ndryshimeve klimatike, që prekin drejtpërdrejtë sektorin bujqësor, kemi projeksione të qarta për 5 vitet e ardhshme, e po ndërtojmë një sistem më të qëndrueshëm për të garantuar prodhimin bujqësor, jetesën në fshat dhe zhvillimin rural”, deklaroi Denaj.

Postimi i plotë

E nderuar të marr pjesë në konferencën ndërkombëtare “Menaxhimi i integruar i ujërave për zhvillimin e qëndrueshëm” organizuar nga Akademia e Shkencave e Shqipërisë në bashkëpunim me Akademinë e Shkencave dhe Arteve të Kosovës dhe Ministria e Turizmit dhe Mjedisit.

Fokusi te bashkëpunimi shkencor, investimet afatgjata dhe politika të unifikuara për mbrojtjen e burimeve ujore janë një bazë e rëndësishme e punës sonë. Partneriteti me universitetin BOKU është një gur themeli për forcimin e kërkimit shkencor dhe formimin e brezave të rinj.

Përballë presionit të ndryshimeve klimatike, që prekin drejtpërdrejt sektorin bujqësor, kemi projeksione të qarta për 5 vitet e ardhshme, e po ndërtojmë një sistem më të qëndrueshëm për të garantuar prodhimin bujqësor, jetesën në fshat dhe zhvillimin rural.