Ministrja e Financave, Delina Ibrahimaj tha se inflacioni ka shkurtuar shpenzimet publike, ku deri në dhjetor pritet që inflacioni të shkojë në 4.5 %
“Në shkurt inflacioni është 3.9 %, në dhjetor presim që inflacioni të shkojë në 4.5 %. në vijim të parashikimeve kemi shkurtuar shpenzimet publike dhe operacionale për të financuar paketën e Rezistencës Sociale“, tha ajo.
Më tej, ministrja e Financave tha se qeveria po mban nën kontroll çmimet për disa produkte bazë si mielli, sheqeri dhe vaji.
“Sipas akteve normativ, ne kemi ngritur bordin e monitorimit të transparencës së çmimeve. Ne jemi kujdesur të përcaktojmë formulën për përcaktimin e çmimeve që tregtarët duhet të aplikojë. Ne duhet të hasim më shumë vështirësi për marshet. Bordi vendosi të mbajë në monitorim miellin, orizin kokërrgjatë, sheqerin dhe vajin e lulediellit. Janë përcaktuar disa marshe që kompanitë të respektojnë dhe do të ketë çmime referencë”, tha Ibrahimaj.