Ministrja Gjermeni pritet pa flamurin shqiptar në Beograd

U zhvillua sot nё Beograd, takimi bilateral i Ministres sё Zhvillimit Urban znj. Eglantina Gjermeni me Zёvendёskryeministren dhe Ministren e Ndёrtimit, Transportit dhe Infrastrukturës znj. Zorana Mihajlovic. I pranishёm nё kёtё takim ishte edhe Ambasadori ynё nё Beograd z. Ilir Boçka.

Gjatё takimit, u diskutua mbi mundёsitё e bashkёpunimit ndërmjet dy vendeve tona nё fushёn e planifikimit, integrimit dhe urbanizimit tё zonave informale dhe veçanёrisht krijimit tё sistemit elektronik tё lejeve tё ndёrtimit.

Por në këtë takim zyrtar ra në sy mungesa e flamurit shqiptar. Në fakt, në sfond dallohet vetëm flamuri i Serbisë dhe ai i Bashkimit Europian.

Me sa duket ambasada e Shqipërisë në Beograd dhe vetëm ministria e nuk e kanë patur aspak problem një gjë të tillë, përderisa në uebsajtet respektive nuk kanë patur asnjë reagim për një gjë të tillë.