Mund të dalë Berisha nga skena politike? Bardhi: Edhe Basha është marrë i pandehur

Kreu i grupit parlamentar i PD-së, Gazment Bardhi i cili prej disa muajsh është bashkuar me Berishën, komenton vendimin e Kuvendit për t’i hequr imunitetin ish-kryeministrit dhe nëse mund të ketë një dalje të tij nga skena.

”Unë nuk mendoj që z.Berisha do të dalë nga skena. Nuk është hera e parë që një drejtues i opozitës është nën hetim. Ka ndodhur edhe me zt.Basha, i cili është marrë i pandehur nga viti 2018-2020 dhe kjo nuk ka ndikuar në veprimtarinë e tij politike.

Edhe në këtë rast me sa kam kuptuar, ai do ta vazhdojë veprimtarinë politike. Nuk është moment i mirë për opozitën. Në këtë moment, secili prej nesh do të duhet të japë shumë më shumë nga vetja për ta mbajtur partinë të bashkuar”, tha ai në ”News 24”.