Muç Nano: Nuk e kuptoj policinë, janë rrahur 4 aktivistë dhe askush nuk reagon

Gazetari Muç Nano thotë se nuk e kupton sjelljen e policisë me dhunimin e aktivistëve për Mbrojtjen e Teatrit Kombëtar. Nano ngarkon plotësisht me faj Policinë e Shtetit për mungesë të reagimit dhe një përgjigjeje që duhet të kishte mbi këto akuza. “Mua më ka bërë përshtypje që nuk ka reagim nga Ministria e Rendit. Janë 4 njerëz, mes tyre edhe të njohur, që po ngrenë një akuzë, se janë trajtuar keq në polici dhe janë dhunuar. Heshtja e policisë më shqetëson, policinë e ngarkoj me faj, pasi nuk i kushton asgjë të japi informacion pse i ka ndaluar dhe a kanë ushtruar dhunë ndaj tyre. Policinë e Ardi Veliut nuk e kuptoj. Është një gjë e rëndë” është shprehur Nano në një intervistë për “Tema TV”.