Ndarja nga jeta e Shyqyri Rrelit, reagon Presidenti Meta: Trajner i arritjeve historike

Politikë E Martë, 31 Dhjetor 2019 10:47

Dita e martë ka nisur me një lajm të hidhur për botën e futbollit. Është ndarë nga jeta sot Shyqyri Rreli, ish-trajneri i kombëtares. Presidenti i vendit, Ilir Meta ka shprehur ngushëllimet më të sinqerta për Familjen Rreli dhe gjithë botën e futbollit dhe sportit shqiptar.

“Sot u nda nga jeta një personalitet i jashtëzakonshëm i sportit dhe i futbollit kombëtar Prof.Shyqyri Rreli. E gjithë jeta e tij ishte në shërbim të zhvillimit të sportit e në veçanti futbollit. Kontributi i tij i gjithanshëm si një futbollist kampion, por edhe si një trajner i arritjeve historike në drejtim të Ekipeve Shpresa në nivelet më të larta ndërkombetare, të Ekipit Kombëtar dhe të ekipit të jashtëzakonshem të Tiranës (17 Nëntori) të viteve ’80, meriton nderim dhe respekt”, shkruan në postimin e tij në Facebook Presidenti Meta.