Ndryshimet kushtetuese, Doda: Rama i vetëm në çmendurinë e tij, po e shkruan vetë fundin që meriton

Sekretarja e Përgjithshme e Partisë për Drejtësi Integrim dhe Unitet, Mesila Doda duke iu referuar nismës së mazhorancës për ndryshimet kushtetuese, deklaron se tashmë Edi Rama është i vetëm në çmendurinë e tij për të zhbërë të gjithë sistemin me parlamentin e tij gjysmak.

Në një reagim përmes rrjeteve sociale, Doda shprehet se aspiranti për diktatoruc po e shkruan vetë fundin që meriton, por me gjasa do jetë ngjarje tejet e trishtueshme në historinë politike shqiptare, fundi i tentativës së tij të marrëzisë.

“Nuk ka më asnjë argument… nuk gjen dot më asnjë alibi, asnjë mbështetje…

I vetëm në çmendurinë e tij, po tenton një akt alla-Chavez duke tentuar të ç’bëjë gjithë sistemin me një parlament gjysmagjel e që nuk përfaqëson më askënd.

Ne ëte humnerë shqiptarët nuk do të ndjekin dhe çdo akt do të konsiderohet ilegjitim dhe atentat ndaj sistemit demokratik në vend. Aspiranti për diktatoruc po e shkruan vetë fundin që meriton, por me gjasa do jetë ngjarje tejet e trishtueshme në historinë politike shqiptare, fundi i tentativës së tij të marrëzisë”, shprehet Sekretarja e Përgjithshme e PDIU-së, Mesila Doda.