Këtë të martë aleatët i trokitën për herë të fundit në derë Sali Berishës. Kjo për të dorëzuar emrat e kandidatëve që do të kenë në listat e koalicionit në 11 maj. Disa pritën në seli, pasi shkuan para Berishës. Teksa kanë mbetur vetëm disa orë për zyrtarizimin në kqz, Berisha ka takuar edhe drejtuesit e qarqeve.
Paradite Rama do të diskutojë me drejtuesit e qarqeve në një mbledhje online. Në orën 19:00 pritet të mblidhet kryesia e partisë socialiste për të bërë filtrin e fundit. Demokratët do të mbledhin kryesinë në orën 16:00 për të miratuar emrat e propozuar nga Sali Berisha. Kurse në orën 19:00 është thirrur mbledhja e këshillit kombëtar.
Kryebashkiakët Tërmet Peçi i Tepelenës dhe Agron Malaj i Matit dhe i Beratit, Ervin Demo, kanë dhënë dorëheqjen. Demo do të udhëheqë listën e Beratit si drejtues politik, ndërsa Tërmet Peçi pas 14 vitesh si kryetar i Bashkisë do të garojë në listë të hapur në Gjirokastër. Agron Malaj do të kërkojë një mandat deputeti në Dibër. Lista zyrtare e PS do të diskutohet të mërkurën në orën 18:00 në kryesinë e PS.
Edi Rama premton që me partinë që drejton brenda 2030 mund të anëtarësojë vendin në familjen europiane. Tirana zyrtare ka marrë besimin e institucioneve të BE, ndaj sipas tij, Parlamenti Europian ka vendosur të hapë një zyrë koordinimi në Tiranë. Për ta anëtarësuar Shqipërinë në BE, kryeministrin do ta ndihmojë edhe Inteligjenca Artificiale. Këtë e përsëriti në aktivitetin e javës franko-shqiptare.